ഭിന്നശേഷി കായികതാരങ്ങളുടെ സംഘടന മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന നൽകി.......

കേരളത്തിലെ ഭിന്നശേഷി കായിക താരങ്ങളുടെ സംഘടനയായ ഫിസിക്കലി ചലഞ്ച്ഡ് ഓൾ സ്പോർട്സ് അസോസിയേഷൻ,കേരളയിലെ അംഗങ്ങളായ ഭിന്നശേഷിക്കാർക്ക് സർക്കാരിൽ നിന്ന് ലഭിക്കുന്ന സാമൂഹികക്ഷേമ പെൻഷനില്‍ നിന്ന് സ്വരൂപിച്ച 9600 രൂപ വാക്സിൻ ചലഞ്ചിനായുളള മുഖ്യമന്ത്രിയുടെ ദുരിതാശ്വാസനിധിയിലേക്ക്  അസോസിയേഷൻ സംസ്ഥാന പ്രസിഡൻറ് എ.എം.കിഷോർ ഉന്നത വിദ്യാഭ്യാസ-സാമൂഹ്യനീതി വകുപ്പു മന്ത്രി ഡോ.ആർ.ബിന്ദുവിന് കൈമാറി.പൊതുമരാമത്ത് വകുപ്പ് മന്ത്രി പി.എ.മുഹമ്മദ് റിയാസ്, അസോസിയേഷൻ ജില്ലാ പ്രസിഡൻറ് ഷിബിൻ ആന്‍റോ, സി.പി.ഐ(എം)ജില്ലാ സെക്രട്ടറി എം.എം.വർഗ്ഗീസ്,ജില്ലാ സെക്രട്ടേറിയറ്റ് അംഗം പി.കെ.ഷാജൻ,മുൻ പഞ്ചായത്ത് പ്രസിഡൻറ് എം.ബി.രാജു എന്നിവർ സന്നിഹിതരായിരുന്നു. ശാരീരിക വൈകല്യമുള്ളവരുടെ കായികശേഷി പരിപോഷിപ്പിക്കുന്നതിനും,അവർക്കുവേണ്ട മത്സരങ്ങൾ സംഘടിപ്പിക്കുന്നതിനും,അത് അംഗീകരിക്കുന്നതിനും  സർക്കാർ ആവശ്യമായത് ചെയ്യുമെന്ന് സാമൂഹ്യനീതി വകുപ്പ് മന്ത്രി  ഡോ.ആർ ബിന്ദു  പറഞ്ഞു.